طريقة عمل الرقاق بالبشاميل

نصف كيلو رقاق
بصلة مقطعة قطع صغيرة
نص كيلو لحمة مفرومة
نص كوب كبير زبدة
نص كوب كبير دقيق
اربع كوبيات لبن
ملح و فلفل
بيضيتن
كوب كبير شوربة لحمة

هنعصج اللحمة المفرومة عن طريق إننا نقطع بصلة كبيرة إلى قطع صغيرة نضيف ليها الملح والفلفل الأسود واللحمة
نحطهم على النار ونضيف ليهم معلقة زبدة ونسيبهم على النار مع التقليب المتسمر
بعد نص ساعة نضيف ليها كوباية مية ونسيبها على النار لغاية ما اللحمة تشرب المية وتستوي
بعد كده هنجهز البشاميل عن طريق إننا نسخن الزبدة ونضيف ليها الدقيق مع التقليب لغاية ما لون الدقيق يبقى ذهبي
نضيف ليه اللبن تدريجيا مع التقيب المستمر لغاية ما يبقى قوامه سميك نضيف ليه الملح والفلفل الأسود
نشيله من على النار وبعد ما يبرد نجيب بيضة ونحطها في طبق ونضربها بالمضرب مع الملح والفلفل وبعد كده نضيفها إلى البشاميل ونقلبهم مع بعض
هنجيب الرقاق ونبله بالشوربة السخنة ممكن إننا نستبدل الشوربة بالمية علشان يكون خفيف
هنجيب صينية فرن وندهنها بالزبدة ونرص فيها نص كمية الرقاق الموجود عندنا ونضيف ليها اللحمة وبعد كده نص كمية البشاميل وبعد كده نرص باقي كمية الرقاق الموجودة
نغطي وش الصينية بباقي كمية البشاميل الموجود عندنا
هندخل الصينية في فرن متوسط الحرارة لمدة نص ساعة أو لغاية ما وشها يحمر بعد كده نخرجها من الفرن ونقطعها
-----------------
بالهنا والشفا
منقول